Esta Asociación Nacional de Profesores Estatais, en siglas ANPE, é un Sindicato Independente, unha organización sindical con personalidade xurídica e plena capacidade de obrar, constituída o día 7 de xuño de 1978 ao amparo da Lei 19/1977 e inscrita co número 354 no correspondente rexistro público.

O seu enderezo legal fíxase en Madrid, C/ Carretas, 14-5º A, sen prexuízo de que en calquera momento o órgano competente poida acordar o seu traslado, sen que isto signifique modificación dos Estatutos.

ANPE poderá establecer tamén sedes autonómicas, provinciais e locais, así como aquelas delegacións que considere convenientes para o cumprimento dos seus fins.

ANPE dedicará a súa actividade a defensa dos intereses profesionais, sindicais e sociais de todos os seus afiliados co fin de acadar unha sociedade máis libre, máis xusta e acorde coa dignidade e a liberdade da persoa.

ANPE ten por obxecto facer efectivo o dereito de igualdade de trato e de oportunidades entre mulleres e homes, dacordo coa Constitución Española, coa Lei Orgánica 3/2007 e coas Directivas da Comunidade Europea ao respecto, en calquera dos ámbitos da vida.

As actividades e fins de ANPE non teñen, nin se propoñen, ánimo de lucro algún.

ANPE está disposto ao encontro con quen propugne a mesma concepción sindical e aberto ao diálogo con organizacións que admitan o pluralismo democrático. Poderá coaligarse, asociarse, federarse ou confederarse e integrarse con outras organizacións españolas, estranxeiras ou internacionais dentro da legalidade vixente.

• Estatal.
• Comunidade Autónoma.
• Provincial.
• Insular.
• Comarcal.
• Local.
• Seccións no extranjero.
• Centro de traballo.

• ANPE é un sindicato profesional, formado por docentes do ensino público, que está comprometido exclusivamente cos intereses deste colectivo e coa mellora da educación.
• ANPE é un sindicato independente, que asume as súas decisións con liberdade, sen dependencia política, económica ou confesional.
• ANPE se autofinancia coas cotas da súa afiliación.
• ANPE é un sindicato sectorial consolidado, con máis de trinta anos de actividade sindical recoñecido pola súa coherencia, cunha afiliación en constante crecemento e que goza da condición de máis representativo no sector educativo.
• ANPE é un sindicato eficaz, que logrou numerosas melloras para o ensino público e os seus profesionais e que presta aos seus afiliados un importante número de servizos de calidade.
• ANPE é un sindicato reivindicativo, que proxecta a súa acción sindical na mellora constante das condicións en que se exerce a profesión docente, na implantación dun modelo educativo de calidade baseado nos parámetros de rigor e esforzo, e na defensa do ensino público.
• ANPE, é un sindicato innovador, diferente ao resto dos que configuran o panorama sindical, preparado para novos retos, que comparte os problemas do profesorado porque está formado por docentes.
• ANPE é un sindicato participativo e plural, respectuoso coas conviccións persoais dos seus afiliados, no que están representados todos os colectivos sen discriminación algunha, e no que teñen cabida todos os profesores.
• ANPE é un sindicato aberto ao profesorado de todos os niveis educativos, en calquera situación profesional.
• ANPE é un sindicato de ámbito estatal, que presta atención aos docentes de todas as provincias e comunidades autónomas, nos seus propios territorios e con equipos específicos.
• ANPE é un sindicato con proxección internacional, e participa activamente das iniciativas da Unión Europea como membro integrante da CESI (Confederación Europea de Sindicatos Independentes).
• ANPE é un sindicato en auxe que, mantendo a súa exclusividade de ámbito, vai proxectar a súa representatividade a partir de agora na Federación de Sindicatos Independentes de Educación e Sanidade, FSES, cuxo obxectivo é facer chegar mellor a voz dos profesionais independentes ante as administracións do Estado.
• ANPE é o sindicato que creou o servizo Defensor do Profesor para atender a todos os docentes que sufran problemas de convivencia escolar.
• ANPE é un sindicato con personalidade propia, que se esforza por representar con coherencia os intereses do profesorado e por mellorar a calidade do sistema educativo, todo iso con transparencia e honestidade.

• Dignificación social e profesional dos docentes.
• Mantemento do carácter estatal dos Corpos Docentes e o seu dereito á mobilidade en toda España.
• Elaboración do Estatuto da Función Pública Docente.
• Esixencia á Administración de accións que estimulen o perfeccionamento do profesorado.
• Promoción dos Mestres Licenciados ao Corpo de Profesores de Ensino Secundario e destes ao Ensino Universitario, en condicións reais de acceso.
• Recuperación da función técnico-profesional dos claustros.
• Establecemento dun marco xurídico que garanta a convivencia e correcto funcionamento dos Centros.
• Equiparación horaria e do complemento de destino co Corpo de Profesores de Secundaria para todos os Mestres que impartan docencia neste nivel educativo.
• Mantemento do dereito a que todos os postos de traballo do primeiro ciclo da ESO poidan ser ocupados por Mestres. Retribucións orzamentarias nas que se contemplen, como mínimo, incrementos salariais en proporción ao índice anual de prezos ao consumo.
• Titorías retribuídas en todos os niveis educativos.
• Redución da xornada laboral docente.
• Asignación dos recursos humanos e materiais que garantan unha adecuada aplicación da Reforma.
• Incremento da cota de substitucións e cobertura inmediata de todas as baixas producidas nos Centros.
• Conxelación do proceso de supresións e amortizacións en tanto non se definan a rede de Centros e os persoais previstos pola LOGSE.
• Xubilación voluntaria aos sesenta anos ou trinta de servizos e incremento e prolongación indefinida das condicións de xubilación LOGSE.
• Esixencia do mantemento do poder adquisitivo das pensións e actualización das que perciben os funcionarios que se xubilaron antes do 01/01/85.
• Recoñecemento do dereito a matrícula gratuíta para os funcionarios docentes e para os seus fillos.
• Implantación da xornada única en todos os Centros que a soliciten.

A promulgación da Lei Orgánica 11/1985, do 2 de agosto, de Liberdade Sindical, que estableceu no noso país a canle de representatividade dos sindicatos, permitiu a ANPE modificar os seus estatutos, no sentido de dar unha nova denominación, que pasaba a denominarse ANPE. (Publicado no BOE número 290, de 4 decembro de 1990).

Posteriormente sufriu unha nova modificación os seus Estatutos depositados no Ministerio de Traballo, anunciado en BOE número 301, do 11 de decembro de 2012, a través da Resolución da Dirección Xeral de Traballo, pola que se anuncia a modificación dos Estatutos de” ANPE-Sindicato Independente” (Depósito número 362/78).

Desde as primeiras eleccións sindicais, celebradas en 1987, é o sindicato máis representativo da función pública docente.

Participa activamente das iniciativas da Unión Europea como membro integrante da CESI (Confederación Europea de Sindicatos Independentes).

Mantendo a súa exclusividade de ámbito e identidade, proxecta a súa representatividade xunto aos sindicatos SATSE e CEMSATSE na FSES, o cal permitiu que hoxe esteamos presentes nas mesas de negociación de case todas as comunidades autónomas, ao computarse á FSES os delegados gañados polas organizacións sindicais ANPE, SATSE e CEMSATSE nas eleccións sindicais.

O sindicato ANPE creou en 2005 o servizo Defensor do Profesor para atender a todos os docentes que sufran problemas de convivencia escolar.