>> No último trimestre de 2023, puxemos en marcha a primeira fase da enquisa para a redución da burocracia no ensino público galego, centrada no deseño curricular.
O obxectivo de ANPE, como sindicato asinante do ACORDO, é incluír no "Grupo de Traballo" para simplificación das tarefas burocráticas as achegas REAIS dos e das docentes que participan nestas enquisas. Podes ver ditas achegas na LIGAZÓN da noticia.
>> CONCLUSIÓNS
Temas fundamentais que debe ser revisados
- Simplificar e alixeirar a carga burocrática dos docentes.
- Faise moi necesario incrementar o persoal administrativo nos centros educativos liberando de carga burocrática ao profesorado.
- Máis liberación horaria para os cargos directivos.
- Redución horaria para desenvolver as súas funcións na “tutorías reais”.
Aspectos que deben simplificarse e axilizarse
- PROENS: maior flexibilidade na súa configuración para que o profesorado deseñe a súa programación. Débense eliminar as actas en papel.
- O protocolo de absentismo e a xestión das faltas de asistencia do alumnado polo titor: que o sistema avise cando se exceda o límite de faltas
- sen justificar.
- O protocolo de acoso.
- O protocolo dos expedientes sancionadores ao alumnado: recoller as declaracións e conclusións nun único documento.
- Os procedementos nos partes por condutas contrarias á convivencia.
- Os informes de plans de reforzos de pendentes e repetidores.
- O proceso das reclamacións académicas contra as notas obtidas.
- A Memoria Anual dos departamentos: moitos datos xa constan en PROENS.
- Programas e aplicacións informáticas máis sinxelos e intuitivos.
- O exceso de carga burocrática dos docentes Coordinadores de Bibliotecas.
- As comunicacións coas familias do alumnado: protocolos e procedementos simplificados.
O labor fundamental do docente debe ser impartir clase ao seu alumnado. Polo tanto, débese simplificar, axilizar e mesmo eliminar no posible todas aquelas cuestións que vaian en detrimento da súa principal función: a docencia. Somos docentes: o noso traballo é o ensino, non a burocracia.
Dende ANPE seguiremos traballando para acadar melloras REAIS no sistema educativo actual!
