Vinte e seis. Modifícase o artigo 247, que queda redactado nos seguintes termos:
«Artigo 247. Cómputo dos períodos de cotización. A efectos de acreditar os períodos de cotización necesarios para causar dereito ás prestacións de xubilación, incapacidade permanente, morte e supervivencia, incapacidade temporal e nacemento e coidado de menor teranse en conta os distintos períodos durante os cales o traballador permanecese en alta cun contrato a tempo parcial, calquera que sexa a duración da xornada realizada en cada un deles.»
Os períodos cotizados computan igual, independentemente da xornada que se realice en cada un deles. Por tanto, os períodos nos que os funcionarios interinos puideron ser contratados a tempo parcial, teranse en conta coma se estivesen contratados a xornada completa. Esta medida entrou en vigor o 1 de outubro de 2023, como estaba recollido no Real Decreto publicado o 17 de marzo de 2023.
Para os mutualistas de MUFACE xa estaba contemplado.
