As probas dos distintos niveis Celga terán lugar nos meses de novembro e/ou decembro de 2021.
As probas realizaranse en Santiago de Compostela e en Ponferrada.
As sedes e horarios para a realización das probas publicaranse na páxina web da Secretaría Xeral de Política Lingüística (http://www.lingua.gal) xunto coas listaxes definitivas das persoas admitidas.
O formulario de solicitude (PL500C) estará dispoñible na sede electrónica da Xunta de Galicia, no enderezo https://sede.xunta.gal. As persoas interesadas deberán indicar nel a proba ou as probas ás que solicitan presentarse, así como a localidade, e dirixilo á Secretaría Xeral de Política Lingüística.
As solicitudes presentaranse preferiblemente por vía electrónica a través do formulario normalizado dispoñible na sede electrónica da Xunta de Galicia https://sede.xunta.gal
O prazo de presentación das solicitudes, así como o de pagamento da taxa correspondente aos dereitos de exame, será de quince días hábiles, ( do 14 de setembro ao 4 de outubro) que se contarán a partir do día seguinte ao da publicación desta resolución no Diario Oficial de Galicia.
Taxas de exame: 16,59€
Os códigos que deben cubrirse son:
Consellería: Cultura, Educación e Universidade. Código: 07.
Delegación: servizos centrais. Código: 13.
Servizo: Secretaría Xeral de Política Lingüística. Código: 05.
Denominación taxa: inscrición nas probas homologadas para a acreditación do nivel de competencia en lingua galega e a acreditación do nivel correspondente, de ser o caso. Código: 304401.
