- Os tribunais constituiranse dentro do prazo máximo de cinco (5) días hábiles.
- Quedan autorizadas as comisións de servizos dos membros dos tribunais que necesiten desprazarse da súa residencia oficial para o exercicio de tal función, que terán dereito a percibir as axudas de custo e os gastos de viaxe de acordo coa lexislación vixente: LIGAZÓN
ANPE reclama que se proceda ao aboamento das dietas de manutención a todas as persoas integrantes dos tribunais, con independencia da súa localidade de residencia. A situación actual xera unha desigualdade dificilmente xustificable e non responde á realidade do traballo que desenvolven durante este proceso.
O desenvolvemento das tarefas propias dos tribunais esixe xornadas intensas e con tempos moi axustados, que en moitos casos non permiten ás persoas integrantes desprazarse aos seus domicilios para realizar a comida en condicións razoables. Ademais, resulta conveniente que o tribunal permaneza reunido durante a xornada para garantir o correcto desenvolvemento do proceso, evitar atrasos e imprevistos e facilitar a coordinación necesaria entre os seus membros.
Non resulta aceptable que quen asume unha responsabilidade tan elevada, dedicando practicamente un mes de traballo adicional a este proceso, teña que facelo baixo unhas condicións económicas que non se corresponden coa carga de traballo, coa responsabilidade asumida nin co compromiso esixido. O esforzo extraordinario realizado polas persoas integrantes dos tribunais debe ser recoñecido e compensado de maneira xusta, evitando agravios e garantindo unhas condicións dignas para o desempeño das súas funcións.
Por iso, esiximos á Administración que rectifique esta situación e estableza o aboamento das dietas de manutención para todas as persoas integrantes dos tribunais, sen excepción.
Para calquera dúbida ou aclaración, contacta con ANPE
