Datas da avaliación
1. A aplicación das probas da avaliación de diagnóstico de segundo curso de educación secundaria obrigatoria realizarase os días 13, 14, 15, 16 e 17 de abril de 2026.
2. A aplicación das probas da avaliación de diagnóstico de cuarto curso de educación primaria realizarase os días 20, 21, 22, 23 e 24 de abril de 2026. Estas datas poderán ser modificadas pola Dirección Xeral de Ordenación e Innovación Educativa por causas de forza maior.
Participación do profesorado
Tanto ao persoal docente que forme parte das comisións de coordinación da avaliación de diagnóstico nos centros educativos como ao persoal docente seleccionado que auxilie a devandita comisión e que participe activamente na coordinación, aplicación, corrección e/ou gravación dos datos das probas da avaliación de diagnóstico recoñeceránselle 20 horas de formación, de acordo coa Orde do 14 de maio de 2013 pola que se regula a convocatoria, o recoñecemento, a certificación e o rexistro das actividades de formación permanente do profesorado en Galicia
