– Convocatoria ordinaria: 2, 3 e 4 de xuño de 2026.
– Convocatoria extraordinaria: 30 xuño, 1 e 2 de xullo de 2026.
As cualificacións provisionais da PAU publicaranse nas seguintes datas:
– Convocatoria ordinaria: 11 de xuño.
– Convocatoria extraordinaria: 9 de xullo.
- O alumnado ou, no caso de menores de idade, as nais, os pais ou persoas titoras legais poderán dirixir á presidencia do tribunal único unha solicitude de revisión da cualificación obtida nun ou varios exercicios dos que compoñen a PAU nos cales se considere incorrecta a aplicación dos criterios xerais de avaliación e específicos de corrección e cualificación, no prazo de tres días hábiles contados a partir do día seguinte ao da publicación das cualificacións..
- O procedemento de revisión deberá finalizar no prazo máximo de cinco días hábiles, contados a partir da data de finalización do prazo establecido para a presentación das reclamacións. Finalizado o procedemento, o tribunal cualificador adoptará a resolución que estableza as cualificacións definitivas cuxos resultados fará públicos, mediante acceso individualizado, na web establecida para o efecto e de acordo co calendario aprobado pola CIUG. A publicación desta resolución porá fin á vía administrativa.
- Poderá interporse recurso de reposición, ante o órgano que dite a resolución, de conformidade cos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou impugnarse directamente, ante a orde xurisdicional contencioso-administrativa, de acordo co disposto nos artigos 9.1 e 46 da Lei 29/1998, do 13 de xullo, reguladora desta.
O alumnado ou, no caso de menores de idade, as nais, os pais ou persoas titoras legais, terán dereito a ver os exercicios revisados no prazo máximo de dez días hábiles desde o día seguinte ao da notificación da resolución do procedemento de revisión.
As cualificacións definitivas da PAU publicaranse nas seguintes datas:
– Convocatoria ordinaria: 18 de xuño.
– Convocatoria extraordinaria: 16 de xullo.
MÁIS INFORMACIÓN: LIGAZÓN
