Como norma xeral, tal e como prevé o mesmo artigo 169.3 do Real Decreto 659/2023 do 18 de xullo, a Administración educativa do territorio en que radique cada centro poderá proporcionar ao Ministerio de Defensa o persoal docente necesario para impartir estas ensinanzas.
Coa devandita finalidade, o Ministerio de Defensa ten subscritos os necesarios convenios, dos que é signatario tamén o Ministerio de Educación, Formación Profesional e Deportes, coas comunidades autónomas nas que radican os centros.
Con todo, dadas as características de determinados módulos dos ciclos formativos que se imparten nos centros docentes militares, algunhas comunidades autónomas atopan dificultades para dispoñer de profesorado nas condicións esixidas pola Lei Orgánica 3/2022, do 31 de marzo, nos apartados a) ou b) do art 85.2, ou de profesionais rexistrados nas listas actualizadas de profesorado interino das especialidades do sistema de formación profesional que cumprisen os requisitos. Nestas circunstancias, o artigo 165.6 do Real Decreto 659/2023, do 18 de xullo, xa prevé a posibilidade de incorporar, para impartir módulos profesionais, a profesionais cualificados, en calidade de persoas expertas do sector produtivo, neste caso, sector produtivo que corresponde ao ámbito da Defensa.
