>> As axudas concederanse por un importe máximo de 200.000 €, o dobre que o curso pasado. Este importe vén determinado polo acordo asinado o día 11 de outubro de 2023 entre a Consellería e as tres organizacións sindicais asinantes ( ANPE, CCOO E UXT) sobre medidas que melloran o funcionamento do sistema educativo e as condicións laborais do persoal funcionario e laboral docente.
>> O prazo de presentación de solicitudes será dun mes desde o día seguinte ao publicación desta orde no Diario Oficial de Galicia
>> As solicitudes dirixiranse á Dirección Xeral de Centros e Recursos Humanos e presentaranse obrigatoriamente por medios electrónicos a través do formulario normalizado (anexo I) dispoñible na sede electrónica : LIGAZÓN
>> Destinatarios:
1. Persoal docente funcionario de carreira, con destino en centros docentes públicos e que exerza docencia directa co alumnado, equipos de orientación específicos, postos de asesoría dentro da estrutura administrativa da consellería e na Inspección educativa.
2. O persoal docente funcionario en prácticas.
3. Persoal docente funcionario interino.
4. O profesorado substituto poderá cursar a solicitude sempre que polo menos o 85 % da actividade subvencionable se desenvolva durante o período do seu nomeamento.
>> As axudas concederanse segundo os seguintes tipos e límites que se indican:
Tipo I, para actividades realizadas na Comunidade Autónoma de Galicia, ata un máximo de 200 euros.
Tipo II, para actividades realizadas no resto do territorio español, ata un máximo de 325 euros.
Tipo III, para actividades realizadas no estranxeiro, ata un máximo de 750 euros.
Para calquera dúbida, contacta con ANPE.
