>> As modalidades de acreditación son as seguintes:
O persoal docente non universitario dos centros educativos sostidos con fondos públicos dependentes da Consellería que imparta ensinanzas reguladas pola LOE poderá acollerse ás seguintes modalidades:
a) Acreditación de oficio a través da observación do desempeño de roles e postos docentes: proceso de observación e análise das tarefas e funcións asociadas ao desempeño dos roles e postos docentes. Os roles e postos docentes que se recoñecerán polo procedemento de acreditación de oficio cun dos niveis das etapas B e C son os que se detallan no anexo I desta resolución.
b) Acreditación polo procedemento de recoñecemento de títulos oficiais que habiliten para a profesión docente. Para a acreditación polo procedemento de recoñecemento de títulos oficiais que habiliten para a profesión docente e para a acreditación por un proceso de análise e validación das evidencias, deberá facer a solicitude inscribíndose na actividade Acreditación CDD en Fprofe. Asociada a esta actividade habilitarase unha aula virtual para facilitar a entrega da documentación requirida.
>> O prazo de presentación de solicitudes comezará o día seguinte ao da publicación desta convocatoria no Diario Oficial de Galicia e rematará o 30 de setembro de 2024.
