WEB - Curso homologado: O universo maker como recurso e elemento dinamizador do centro.
Curso presencial de 10 horas organizado por ANPE Lugo e homologado pola Consellería de Educación.
Celebrarase en Lugo, os días 11 e 12 de febreIro co seguinte horario:
Venres 11, de 16.30 h a 21.30 h
Sábado 12, de 9 a 14 h
LIGAZÓN á preinscripción (ata esgotar prazas).
Mais información en lugo@anpe.es ou no teléfono 982227912
Esta actividade de formación está dirixida ao persoal docente (funcionario, substitutos e interinos) e opositores de todos os corpos de ensino non universitario.
Curso de formación do profesorado, que versará sobre as diferentes linguaxes de programación axeitadas para cada nivel educativo, valorando o uso de aulas maker ou recunchos como elemento transformador do centro educativo e usando a impresora 3D como elemento creador, tanto por parte do alumnado como por parte do docente.
CONTIDOS
1º.- Programación. Que é a programación? Linguaxes de programación. Programación en entornos educativos. Scratch.
2º.- Programación orientada a robots educativos. Mbot, Mblock. Drons. Alternativas de baixo custo e de custo ordinario. Ventaxas e desventaxas.
3º.- Impresión 3D. Modelos de impresoras e características. Aplicación didáctica. Por onde comezar. Materiais, tempos e espazos.
4º.- Aula Maker. Como deseñar un espazo no centro educativo. Plan da Consellería de Introducción á robótica en Educación Primaria. Elementos comúns. Área de libre configuración.
PONENTE
Iago José Corral López, mestre de Primaria (Especialidades Ed. Física e Ed. Primaria). Director do CEIP Plurilingüe San Miguel de Paradela – Lugo, no período 2015/2020. Ponente en numerosos cursos de formación dende o ano 2011.
