Desde o mes de marzo pasado houbo tempo máis que suficiente para abordar todo este tipo de cuestións e non se fixo axeitadamente pese ás demandas tanto de ANPE Galicia en particular como da comunidade educativa en xeral. Non entendemos tampouco a urxencia dos 7 días para preparar as aulas virtuais dos centros educativos e blindar así o sistema educativo fronte a posibles confinamentos ou peches xeneralizados de aulas ou centros educativos.
ANPE recordoulle as medidas xa reclamadas ao final do curso pasado, medidas que caeron en saco roto e que lle volvemos demandar como máximo representante educativo da nosa Comunidade:
- Redución das rateos como medida principal.
- Dotación de máis recursos tanto humanos como materiais e medidas específicas para a etapa de infantil, primaria e certas especialidades de Formación Profesional onde non se pode garantir a distancia de seguridade.
- Persoal de enfermería nos centros educativos.
- Regulación normativa e organizativa dun marco para o teletraballo.
- Medidas de ventilación artificial complementarias á ventilación natural.
- Situación do profesorado vulnerable considerado como NR1 sen valoración...
(Podes ler toda a intervención na ligazón do titular)
.jpg)
