Acreditacións recoñecidas da competencia dixital docente

DOG - Resolución do 26 de decembro de 2024 pola que publica a relación das acreditacións recoñecidas ao persoal docente, ao abeiro da Resolución do 5 de xullo de 2024, da Dirección Xeral de Centros e Recursos Humanos, pola que se convocan diferentes procedementos para a obtención da acreditación da competencia dixital docente para o persoal docente non universitario dos centros educativos da Comunidade Autónoma de Galicia.

1. Recoñecer como especialidades do rol/posto docente no anexo I

2. Recoñecer o nivel A1 ou A2 de CDD ás persoas que acadaron os ditos niveis polo procedemento de recoñecemento de títulos oficiais que habiliten para a profesión docente e que así figuran no anexo II desta resolución, e non recoñecer estes niveis ás demais persoas solicitantes.

3. Recoñecer o nivel C1 ou C2 por áreas de CDD ás persoas que acadaron os ditos niveis polo proceso de análise e validación das evidencias, e que así figuran no anexo III desta resolución, e non recoñecer estes niveis ás demais persoas solicitantes.

Contra esta resolución, as persoas interesadas poderán interpoñer recurso de alzada ante a persoa titular da Consellería de Educación, Ciencia, Universidades e Formación Profesional, no prazo dun mes contado a partir do día seguinte ao da publicación no Diario Oficial de Galicia, ou ben directamente recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses. Se transcorre o prazo máximo que se sinala no parágrafo segundo deste artigo sen que se publique a resolución definitiva, as persoas solicitantes poderán entender desestimadas, por silencio administrativo, as súas solicitudes, para os efectos de interpoñer o recurso que proceda.

Para calquera dúbida ou aclaración, contacta con ANPE