Dende ANPE Galicia lanzamos, desde principios do presente curso escolar unha enquisa destinada a todo o colectivo docente para coñecer que cuestións burocráticas son as que os docentes consideran que se poden suprimir, mellorar ou racionalizar. A enquisa lanzouse divida en tres bloques fundamentais: a burocracia en tarefas de deseño curricular, a burocracia en tarefas de organización e funcionamento dos centros e a burocracia en tarefas de coordinación docente.
>> A pretensión da análise dos resultados de dita enquisa é poder contribuír no citado grupo de traballo con achegas reais emanadas dos propios docentes e dos centros educativos.
>> As conclusións xerais ás que chegamos, unha vez analizadas as respostas do profesorado a dita enquisa; cabe destacar a implicación do profesorado galego a través dunha participación moi elevada. Básicamente, insisten en que é imprescindible simplificar, axilizar e, en ocasións eliminar no posible, todas aquelas cuestións que vaian en detrimento da principal función docente: a atención ao seu alumnado. Somos docentes: o noso traballo é o ensino, non a burocracia!.
>> Aspectos xerais destacados:
- É necesario incrementar o persoal administrativo nos centros ou dotar a centros pequenos de dito persoal (se non pode ser de xeito fixo a lo menos con carácter compartido ou itinerante)
- É necesaria a redución do horario lectivo do profesorado para poder levar a cabo, de xeito eficaz, a función titorial.
- É necesario establecer unha liberación horaria lectiva axeitada para os cargos directivos dos centros educativos.
>> Aspectos particulares importantes:
- As programacións didácticas deben ser máis prácticas e adaptadas á realidade.
- Os diferentes protocolos de actuación existentes (absentismo, acoso escolar,….) deben ser de implementación máis áxil.
- Os informes que se deban elaborar deben estar pautados e ser máis operativos: expedientes sancionadores ao alumnado por condutas contrarias á convivencia, plans de reforzo de pendentes e alumnado repetidor, reclamación académicas contra as cualificacións obtidas, memorias anuais dos departamentos didácticos (con moitos datos repetidos que xa figuran en Xade),…
- As adaptacións curriculares deben estar pautadas para cada casuística e ser máis prácticas á hora do seu desenvolvemento.
- Os protocolos e procedementos de comunicación coas familias deben ser máis áxiles.
- Deben establecerse programas e aplicacións informáticas para o profesorado sinxelas, máis intuitivas e funcionais.
- As reunións de coordinación e, en xeral todas as reunións docentes, deben ser máis áxiles e operativas de debe primarse, na medida do posible, o uso de medios telemáticos para o seu desenvolvemento.
Desde ANPE Galicia agradecemos a colaboración dos docentes e traballaremos no grupo establecido a tal fin para que estas achegas do profesorado se teñan en conta e consigamos liberar aos centros educativos e ao profesorado galego do exceso de carga de tarefa burocrática que o asolaga.
