WEB - Terceira sentenza que obriga á administración a pagar o permiso parental de 8 semanas
ANPE esixe o desenvolvemento regulamentario que concrete este aspecto co fin de evitar a obrigatoriedade de reclamar xudicialmente para que se recoñeza este dereito.
O Goberno continua sen aprobar a remuneración do permiso tal e como recolle a directiva europea. O Xulgado do Contencioso Administrativo número 4 de Murcia volve fallar que o permiso parental de oito semanas, aprobado en xuño de 2023, para o coidado dos fillos menores de oito anos debe ser remunerado.
Esta sería a terceira sentenza que obriga á Administración a retribuír este permiso. Con todo, o Executivo segue sen aprobar a devandita remuneración.
A sentenza falla que as disposicións da Directiva (UE)2019/1158, do 20 de xuño, que obrigaba a transponer este permiso antes de agosto de 2024 “son incondicionais, suficientemente claras e precisas e atribúen dereitos aos particulares”. Por tanto, o xuíz conclúe que debe ser retribuído. A trasposición parcial pola que se introduciu en TREPFP no art. 49, referidos aos permisos conciliación da vida persoal, familiar e laboral, por razón de violencia de xénero ou de violencia sexual e para as vítimas de terrorismo e os seus familiares directos son retribuídos.
