Convocatoria do programa PROA+ FSE+

WEB - Resolución do 27 de maio de 2026, da Dirección Xeral de Ordenación e Innovación Educativa, pola que se establecen as bases para a convocatoria do Programa para a orientación, avance e enriquecemento educativo en centros de especial complexidade educativa (Programa PROA+, FSE+) nos centros docentes públicos de educación primaria e secundaria dependentes da Consellería de Educación, Ciencia, Universidades e Formación Profesional nos cursos 2026/27 e 2027/28. 

O programa PROA+ FSE+ é un programa de cooperación territorial do Ministerio de Educación, pero está cofinanciado polo fondo Social Europeo Plus (FSE+), é dicir, por fondos da Unión Europea. O Ministerio distribúe os fondos ás comunidades autónomas e estas xestiónanos e executan.

• PRAZO: ata o 15 de xullo
• SOLICITUDE: a través da aplicación informática https://www.edu.xunta.es/programaseducativos/
• Unha das medidas obrigatorias será o reforzo educativo docente (actividade A230). O profesorado asignado poderá ser: Primaria Pedagoxía Terapéutica (PT) Audición e Linguaxe (Ao) Profesorado de ámbitos científico-matemático e sociolingüístico

• Resolución con todo o procedemento a seguir

Dende ANPE  esiximos que os recursos destinados ao programa PROA+ non dependan unicamente de convocatorias temporais nin de fondos europeos condicionados, e que se transformen en dotacións estruturais estables para os centros públicos, garantindo profesorado suficiente e unha atención continuada ao alumnado con maiores necesidades educativas. Os programas extraordinarios poden complementar o sistema, pero non substituír a obriga da Administración.