DOG - Resolución do 14 de abril de 2025, da Dirección Xeral de Centros e Recursos Humanos, pola que se publica a adxudicación definitiva de destinos do concurso de traslados específico entre persoal funcionario docente do corpo de mestres para cubrir prazas de xefatura do Departamento de Orientación nos colexios públicos de educación infantil e primaria, de educación primaria e de educación especial
- O persoal funcionario do corpo de mestres que obteña destino definitivo no presente concurso exercerá a xefatura do Departamento de Orientación con carácter definitivo e tomará posesión con efectividade do 1 de setembro de 2025 e o cesamento no seu destino de procedencia será do 31 de agosto deste ano.
- Contra esta resolución as persoas interesadas poderán interpoñer, con carácter potestativo, recurso de reposición ante a persoa titular da Dirección Xeral de Centros e Recursos Humanos no prazo dun mes, a partir do día seguinte ao da súa publicación no DOG ou ben poderán formular directamente recurso contencioso-administrativo ante o xulgado do contencioso-administrativo que resulte competente no prazo de dous meses contados desde o día seguinte ao da súa publicación no Diario Oficial de Galicia.
