>> Este real decreto actualiza determinadas cualificacións das familias profesionais Imaxe Persoal; Imaxe e Son; Madeira, Moble e Cortiza; e Química, recollidas no Catálogo Nacional de Cualificacións Profesionais, substituíndo os anexos correspondentes polos anexos deste real decreto. As cualificacións profesionais que se actualizan aparecen relacionadas no artigo 2 deste real decreto. Finalmente, establécese a correspondencia e os requisitos adicionais, no seu caso, entre unidades de competencia suprimidas como consecuencia deste real decreto e os seus equivalentes actuais no Catálogo Nacional de Cualificacións Profesionais. A actualización de determinadas cualificacións profesionais conleva a desaparición dalgunhas unidades de competencia.
