LOMLOE - Medidas relativas ás condicións de promoción na ESO e Bach

BOE - Real Decreto 205/2023, do 28 de marzo, polo que se establecen medidas relativas á transición entre plans de estudos, como consecuencia da aplicación da Lei Orgánica 3/2020, do 29 de decembro, pola que se modifica a Lei Orgánica 2/2006, do 3 de maio, de Educación.

Así pois, procede regular, mediante este real decreto, as condicións nas que deberá promocionar o alumnado de Educación Secundaria Obrigatoria e de Bacharelato a un curso do novo sistema con materias pendentes do currículo anterior, o modo en que poderá recuperar estas materias ou substituílas polos seus correspondentes na nova ordenación, así como o currículo que se tomará como referencia para a devandita recuperación. Así mesmo, determínanse as materias ou ámbitos que debe superar o alumnado que non obtivese o título de Graduado en Educación Secundaria Obrigatoria e opte por realizar as probas ou actividades personalizadas extraordinarias previstas no artigo 17.5 do Real Decreto 217/2022, do 29 de marzo.