O Real Decreto 1364/2010, do 29 de outubro, polo que se regula o concurso de traslados de ámbito estatal entre persoal funcionario dos corpos docentes contemplados na Lei Orgánica 2/2006, do 3 de maio, de Educación, modificada pola Lei Orgánica 8/2013, do 9 de decembro, para a mellora da calidade educativa, establece, no seu artigo 7, que con carácter bienal as Administracións educativas convocarán concursos de traslados de ámbito estatal, a efectos de proceder á provisión das prazas ou postos vacantes que determinen. Celebrados os últimos concursos de ámbito estatal no curso 2018/2019, procede realizar de novo no presente curso a convocatoria dos mesmos conforme á regulación establecida na devandita norma.
- O prazo de presentación de instancias de participación para todos os concursos de traslados de ámbito estatal que deben convocarse durante o curso 2020/2021 será desde o 5 ao 26 de novembro de 2020, ambos inclusive.
- As Administracións educativas deberán determinar as vacantes provisionais e definitivas dos centros e/ou postos correspondentes ao seu ámbito de xestión con anterioridade a:
Vacantes provisionais: Antes da resolución da adxudicación provisional.
Vacantes definitivas: Antes da resolución da adxudicación definitiva.
- No caso de que se producisen empates nas puntuacións totais entre dúas ou máis participantes que exercesen o dereito preferente a un mesmo centro, utilizarase como primeiro criterio de desempate o maior tempo de servizos efectivos como funcionario de carreira no centro e, de resultar necesario, os demais criterios previstos na orde.
- Os destinos adxudicados na resolución definitiva son irrenunciables.
